HSG J.innen Nordwest FU 18 schafft sich auswärts bei der SG Zürisee eine sehr gute Ausgangsbasis für das zweite Aufstiegsspiel ins Inter!
11. Dezember 2019
HSG Juniorinnen Nordwest FU 16 Elite werden ihrer Favoritenrolle gegen GC gerecht – weiterhin Platz 2
15. Dezember 2019
Zeig alle

Stäcklibuebe’s Wienachtsbummel

Hüt isch es wieder emol so witt gsi: d Stäcklibuebee mache sich uf ihre ganztägige Wienachtsbummel. Mit em Zug und em Bus isch e grösseri Gruppe vo Prattele über Sissach uf Oberdiegte gfahre.

Vo dört händ sie de beschwärlichi Wäg über Chänerchinde, Wälschacher uf Witschberg unter d Fuess gno. Trotz em relativ steile Istig sind die Wanderer guet vora cho so dass sie alli relativ früsch im Restaurant Bürgin acho sind (isch es ev. die chüeli Luft gsi dass sie so früsch usgseh händ, wär weiss das scho genau).

Die 2. Gruppe isch es chli spöter vo deheim abgfahre, sie händs au e chli eifacher gha will sie trotz guetem Wille e chli zlaufe diräkt uf Witschberg bis vor s Restaurant mit em Bus gfahre sind.

Wo mehr alli dört zämme cho sind hets zerscht e chli Wysse gäh so z säge als Istieg in e gmüetliche Hock bim e feine Ässe. Unseri «Chefe» sind wie jedes Joor es guet Menü usgsuecht, dezue hets e feine Wy gäh. Noch der feine Suppe oder em Salat hets en usgezeichnete Zwätschgebrote mit Bilage inkl. Nochschlag gäh. Da mehr gnueg Zyt gha händ hämmer mit ässe nit müess hetze, mir händ also au no der Nochschlag chönne gniesse.

Es feins Dessert het natürlich au nit dörfe fähle.

Nocdem mir unseri Mäge gfüllt händ sind wie i jedem Jahr es paar Verantwortlichi beschänkt worde. I dem Joor het das der Jules organisiert und da är noch siner Ussag nit der grossi Redner isch het das der Hansruedi übernoh. Sini Värs händ alli begeischteret.

Noch em Abschluss Kaffi sind den langsam uf e Heimwäg gange. Z Sissach es es no chli hektisch worde will mer doch zytlich fascht es chli knapp am Bahnhof acho sind. E teilne het no in d S-Bahn glängt, die andere sind mit em Zug spöter zrugg uf Prattele cho.

Als Abschluss vo dem gmüetliche Tag hämmer uns no es Chaltgetränk gönnt. Demit isch e rund umme glunge Tag abgerundet worde.

Danke René und Stauffi für d Organisation vo dem Tag, aber au für alles wo dir s ganze Joor immer wieder uf d Bei stellet. Au euch Jules und Hansruedi möcht i danke für euch Bitrag zum hütige Tag.

I dänke i cha das au im Name vo allne Stäcklibuebe mache.

Erich Kuppelwieser, e Stäcklibue wo immer gärn am Mittwuch Nomittag mitchunnt

 

Matchball